Samsung Galaxy Note 4 me ekran fleksibil?

    Edhe pse thashethemet rreth fabletit të ri të Samsung Galaxy Note 4 nuk kanë qenë të mangëta, raportimet e fundit që thonë se fableti do të mund të vijë me ekranin fleksibil, duket se do ta bëjë pajisjen e re të kompanisë edhe më interesante. 
 Në fakt, kësaj radhe nuk flitet për thashetheme sepse një ekzekutiv i Samsung e ka ka konfirmuar se kompania është të paktën duke menduar për krijimin e ekranit fleksibil për Note 4. 
 Duke folur për Wall Street Journal, zëvendës drejtori i Samsung për pajisjet mobile Lee Younghee konfirmoi se kompania e tij është duke menduar për një ekran fleksibil të Galaxy Note 4. 
 Kjo, pasi që pajisja është ende duke u zhvilluar dhe për të nuk ka dizajn final akoma. 
 Prandaj, një ekran fleksibil është vetëm një nga opsionet, kështu që asgjë nuk është vendosur përfundimisht, thotë Lee. 
 Nëse jeni fans i pajisjeve me ekran të lakuar, atëherë duhet të prisni deri kah muaji gusht ose shtator, kur edhe pritet që Samsung ta prezantojë Note 4 në IFA 2014.