Sombras de Mordor leva á Terra-Media aos xogadores de PC, PS4 e Xbox One

   
  Inspirándose no universo de J.R.R. Tolkien chegou esta
semana ás tendas   La Tierra-Media: Sombras de Mordor  ,
un videoxogo de rol en terceira persoa desenvolvido para Monolith Productions,
que  a primeiros de semana
estreouse para PC , e que hoxe mesmo chegou a PlayStation 4 e Xbox One (as
versións para Xbox 360 e PS3 están previstas para o 20 de novembro) conseguindo
unha magnífica acollida, de xeito que a prensa especializada xa o considera
como  o tapado  do ano, chegando a
compararse coa serie  Batman Arkham ,
aínda que levada a unha ambientación moi diferente. 
No xogo adóptase o papel de Talion, un explorador que volve á vida grazas ao
espírito da vinganza para destruír aos que asasinaron á súa familia, nunha
aventura na que irá descubrindo os segredos do espírito que o impulsa,
aprenderá sobre as orixes dos aneis de poder e enfrontarase a o seu derradeiro
inimigo. 
 
  Esta historia está ambientada entre  O
Hobbit  e  O Señor dos Aneis , aínda
que tomándose certas liberdades que non parecen ser moi respectuosas coa
mitoloxía da Terra-Media, aínda que non debería de molestar aos amantes da obra
de Tolkien que vexan o xogo como un divertimento que entre os seus elementos
máis destacables ten o Sistema Némesis, que constrúe relacións cos inimigos,
sendo as súas características moldeada polas accións e decisións que vaia
tomando o xogador, de xeito que cada sesión de xogo será única. 
Os elementos que se combinan en  Sombras
de Mordor  parecen ser suficientes como para que a súa versión para PC
conseguise  unha
puntuación de 87 sobre 100 en Metacritic , colocándose como o mellor xogo da
segunda metade do ano.  
		  
   
  O xogo lévanos a percorrer un camiño de vinganza a través da Terra-Media