O iPad estrea xogo de cartas coleccionables de Pokémon

   
  A App Store recibiu hoxe un videoxogo longamente agardado, a
 conversión
para iPad do xogo de cartas coleccionables de Pokémon , que permite trasladar a mecánica
do popular xogo de cargas á Rede, de xeito que tanto podemos xogar contra a
máquina como contra xogadores de todo o mundo. 
En  JCC Pokémon Online  podemos
desbloquear cartas e barallas a medida que imos xogando, ampliando a colección
e crendo barallas realmente únicas, quedando as nosas coleccións almacenadas en
liña na conta do Club de Adestradores Pokémon, de xeito que podemos alternar o
xogo entre o iPad e o ordenador con facilidade, pois temos que lembrar que   JCC
Pokémon Online leva tempo dispoñible para
Windows e OS X  . 
O xogo está totalmente traducido ao español, a súa descarga é de balde, e
contra o que podería pensarse, non se trata dun xogo de Nintendo, senón dun
título desenvolvido pola compañía que está detrás da comercialización dos xogos
de cartas baseados na popular franquía.  
		  
   
  O nova aplicación traslada ao iPad a mecánica do xogo de cartas coleccionable de Pokémon