Xa está dispoñible para a súa descarga a versión preliminar técnica de Windows 10

   
  Onte
déronse a coñecer  algunhas das
novas prestacións coas que contará Windows 10 , e para que os
desenvolvedores e outros profesionais do sector TIC poidan comezar a realizar
probas sobre este novo sistema operativo aínda en proceso de elaboración, dende
hoxe facilitan a  descarga
de Windows Technical Preview  aos usuarios que se inscriban no programa
Windows Insider, dende o que Microsoft espera recibir importante  feedback  para poder pulir os distintos
elementos da vindeira xeración de Windows que verá a luz ao longo de 2015,
primeiro nunha versión preliminar para consumidores e logo como produto final. 
A versión preliminar técnica do futuro Window pode descargarse en versións de
64 e 32 bits localizadas para EE.UU, Reino Unido, China e Brasil, recibirá
numerosas actualizacións automáticas, remitirá numerosa información a Microsoft
para facilitar a mellora do seu software, non debe instalarse nun equipo en
produción (xa que trátase dun produto  sen
rematar ) e  caducará
o 15 de abril de 2015 . Para poder gozar desta versión de proba do futuro
Windows teremos que contar cun equipo que basicamente sexa compatible con
Windows 8.1, ou sexa, un ordenador que como mínimo conte cun procesador a 1
GHz, 1 ou 2 Gb de RAM (segundo queiramos probar a versión de 32 ou 64 bits), 16
Gb de disco duro libre, gráfica compatible con DirectX 9 e acceso á Internet. 
Microsoft tamén publicou unha  Windows
10 Technical Preview for Enterprise , que busca achegar o futuro Windows ao
mundo empresarial, facilitando así que se inicien as probas de compatibilidade
con bastante antelación antes do propio lanzamento de Windows 10.