O CNTG acolle a finais de outubro un seminario técnico sobre xestión de VMware vSphere

   
  O
 Centro
de Novas Tecnoloxías de Galicia (CNTG)  vai acoller o vindeiro 31 de outubro, en
horario de 9:30 a 13:30 horas, un
seminario técnico sobre administración de  VMware
vSphere . Segundo informa a dirección do centro, a sesión
diríxese a achegar coñecementos técnicos ligados á administración
da devandita plataforma de virtualización de servidores.
Coñecementos vencellados ás funcionalidades da ferramenta, o seu
control, a recuperación da información, fronte a desastres,
recursos para o mantemento dunha nube pública ou privada, etc.   Durante
o seminario proxectaranse vídeos e faranse demostracións para
ilustrar as posibilidades destas tecnoloxías. A actividade diríxese
sobre todo a
administradores/as e enxeñeiros de sistemas, responsábeis
de sistemas ESXi e
vCenter Server e, en xeral, calquera profesional TIC interesado/a na
temática.   O
relator da xornada será Pedro José Canela Torres, enxeñeiro
técnico de telecomunicacións, instrutor oficial de VMware (VCI
level 2) e con experiencia profesional no desenvolvemento de labores
de soporte, consultoría e formación especialmente nas áreas de
almacenamento, virtualización e centros
de datos. No
referente ao eido virtual,
Pedro conta cunha
ampla experiencia en contornas VMware, estando acreditado coas
certificacións VCP-DCV (VMware Certified Professional – Data
Center Virtualization) e VCAP-DCA (VMware Certified Advanced
Professional – Data Center Administration). Para
consultar os contidos do seminario ou inscribírmonos, cómpre
 acceder á
sección de acontecementos da web do CNTG .