Telefónica adiántase á competencia despregando LTE Advance en España 

  Telefónica quere ser
líder en materia de LTE-Advance, unha tecnoloxía avanzada que
implica unha mellora sobre o actual 4G. De feito, segundo informa a
operadora, Telefónica sería “a primeira compañía de España”
que dá o paso cara esta nova tecnoloxía, preludio de outra que
aínda está por vir, a 5G, e que segundo engade a empresa
“posibilitará velocidades de transmisión dos datos en mobilidade
por encima de 1 Gbps”. Ben, centrándonos no aquí e agora,
 Telefónica
estreou esta semana o LTE-Advance de seu  (LTE-A), que segundo
indica permite transferencias de información en baixada de até 300
Mbps, “o dobre dos 150 que ofrece LTE”.   Madrid e Barcelona son as
primeiras cidades en beneficiarse destas novas taxas de velocidade en
LTE. Deste xeito, dende este xoves 2 de outubro os clientes de
Movistar nestas cidades que teñan o terminal axeitado poderán gozar
de maiores velocidades na descarga e suba de información. Telefónica
apunta a que a tecnoloxía LTE-Advance é un chanzo máis na
escaleira evolutiva do 4G, a súa “segunda onda de funcionalidade
mellorada”. En termos concretos, fornece vantaxes como a agregación
simultánea de espectro de diferentes bandas cara a un mesmo
terminal, o que fai posíbel ofrecer maiores velocidades de
transferencia en descarga. No caso de Teléfonica, informa a
operadora, “estas poden chegar até 300 Mbps”. A empresa tamén
engade que nova tecnoloxía irase estendendo de aquí a fin de ano
polas principais capitais españolas, e desenvolverase amplamente en
2015, coa dispoñibilidade da banda de 800 MHz.