FOTO’S: Kristen Stewart en Emma Roberts se nuwe haarstyle

  Ons het jou  Maandag gewys dat Jennifer Aniston haar brunet kapsel weer blond  gekleur het. Nou het twee ander Hollywood-aktrises haar voorbeeld gevolg en hul haarkleur terugverander na hul oorspronklike kleur.  
 Die aktrise  Kristen Stewart van Twilight-faam het ons onlangs aan die raai gehad  met haar oranje kapsel. Sy het later gesê sy moes dit kleur vir haar rol in die film  American Ultra.   
 Gelukkig kon sy nou weer terugkeer na haar oorspronklike donkerbruin haarkleur. 
  Kristen Stewart has gone back to brown hair after trying neon orange:  http://t.co/RUkd4ljxTz  pic.twitter.com/7hdzR7vQ3K  
 — Us Weekly (@usweekly)  August 4, 2014   
 Die  American Horror Story -aktrise en broerskind van Julia Roberts, Emma Roberts, sê op Twitter sy voel weer soos haarself nadat sy haar hare weer blond gekleur het en vir haar verlengings laat insit het. 
  Back to blonde! Feel like myself again. Thanks to  @NineZeroOne  pic.twitter.com/jX4DvUyCIh  
 — Emma Roberts (@RobertsEmma)  August 5, 2014   
 Emma het sedert Januarie haar hare in ’n lang bob gedra, en was ook vir ’n tydjie ’n brunet. 
  Ed and Eloise on  #ashbymovie  set  pic.twitter.com/JTnmo5P2B6  
 — Emma Roberts (@RobertsEmma)  June 25, 2014   
 Kies ’n haarkleur wat by jóú pas 
 Hare wat onnatuurlik lyk, is uit. ’n Haarkleur wat by jou vel pas, is in. As die kleur te donker of lig is, kan jou gelaat vaal lyk en jy kan selfs ouer voorkom, sê Natalie van Heerden, bemarkingsbestuurder van Schwarzkopf. 
  Natalie se wenke  
 
 
 Moenie jou hare meer as twee skakerings ligter of donkerder as jou eie hare kleur nie. 
 
 
 
 
 Jy kan steeds met kleur eksperimenteer. Probeer ligstrepies – dit is meer subtiel as om jou hele kop te kleur. 
 
 
 
 
 Kies die regte skakering vir jou velkleur só 
 
 
 
 Donker kleure pas by ’n  olyfkleurige vel . Moenie jou hare ligter as jou velkleur kleur nie, want dit gaan onnatuurlik lyk. 
 As jy ’n  pienk ondertoon  het, vermy warm rooi of goudblonde skakerings. 
 As jou velkleur  baie lig  is, vermy swart of donker skakerings. Dit kan jou baie bleek en ouer laat lyk. 
 Wees versigtig vir skakerings met geel, goue of oranje ondertone as jou vel ’n  geel  ondertoon  het. Dieprooi en donkerbruin skakerings is ’n veiliger keuse. 
 
 Nóg haarstyle op SARIE.com 
 
  Die nuwe trend vir kort hare – Gary Rom gee raad  
  Scarlett Johansson se nuwe haarstyl – FOTO  
  EERSTE FOTO: Kristen Stewart se gewaagde kort haarstyl  
  Dié haarstyl en -kleur vir somer  
  Emma Stone se nuwe haarstyl  
 
   
      
 The post  FOTO’S: Kristen Stewart en Emma Roberts se nuwe haarstyle  appeared first on  SARIE .